10.08.2026 | 14:37
ՌԴ-ում ձերբակալում են ռուս զինվորականների գերեզմանները լուսանկարողներին
Պարեկային ծառայողները կունենան նոր զենք, համազգեստ, մեքենա. քննարկվում է Ոստիկանության բարեփոխումների փաթեթը. ՏԵՍԱՆՅՈՒԹ
Հասարակություն
25.05.2020 | 12:35
ԱԺ պաշտպանության և անվտանգության հարցերի մշտական հանձնաժողովում քննարկվում է Ոստիկանության մասին» օրենքում փոփոխություններ և լրացումներ կատարելու մասին և «Ոստիկանությունում ծառայության մասին» օրենքում փոփոխություններ և լրացումներ կատարելու մասին օրենքների փաթեթը։ Այն ներկայացրեց արդարադատության փոխնախարար Քրիստինե Գրիգորյանը։
«Մոտակա արդյունքը նախատեսվում է պարեկային ծառայության գործարկումը։ Այս ծառայությունն իր մոտեցմամբ էապես տարբերվելու է և փոխարինելու է ներկայում գործող 2 արտաքին ծառայություններին․ դա ճանապարհային ոստիկանությունն է և պարեկապահակակետային ծառայությունը։ Ոստիկանության հետ սահմանվում է պարեկային ծառայության ստեղծման իրավական հիմքերը՝ ծառայողների պաշտոնները, նրանց ներկայացվող պահանջները, համալրման համար անցկացվող մրցույթը, ինչպես նաև ոստիկանության ուսումնական հաստատությունում նրանց կրթությանը վերաբերող դրույթները»,- նշեց փոխնախարարը։
Նա ընդգծեց, որ պարեկային ծառայությունը, առաջին կադրերի համալրումից և ղեկավար անձնակազմի հրամանագրումից հետո, այս փուլում առաջինը գործարկվելու է Երևանում, ունենալու է նոր համազգեստ, մեքենաներ, նոր տեխնիկական հագեցվածություն, նոր զենքեր։
Մանրամասները՝ տեսանյութում։
