11.06.2026 | 12:45
200 դրամ աջակցություն՝ ծիրանի 1 կգի արտահանման համար, 250 դրամ` դեղձի, 400 դրամ` կեռասի. փոխնախարար․ ՏԵՍԱՆՅՈՒԹ
«Մինչև տարեվերջ, հուսով եմ, ատելության խոսքի դեմ ինչ-որ բանաձև կգտնենք»․ Սարգիս Խանդանյան. ՏԵՍԱՆՅՈՒԹ
Հասարակություն
25.05.2020 | 12:21
Անցյալ տարեվերջին Ազգային ժողովի Մարդու իրավունքների պաշտպանության հանձնաժողովում ստեղծվեց աշխատանքային խումբ, որը նպատակ ունի օրենսդրական բարեփոխումներ իրականացնել, որպեսզի, հնարավորությունների սահմաններում, կարողանանք Հայաստանում կանխարգելել ատելության խոսքը։ Այս մասին այսօր՝ «Ատելության խոսքի դեմ պայքարի օրենսդրական ուղիները ՀՀ-ում» թեմայով տեսաքննարկման ընթացքում նշեց ԱԺ «Իմ քայլը» խմբակցության , պատգամավոր Սարգիս Խանդանյանը։
«Իհարկե, ատելության խոսքը Հայաստանում նոր երևույթ չէ, պարզապես վերջին մի քանի տարվա ընթացքում մենք տեսնում ենք, որ հատկապես թվային տեխնոլոգիաների և սոցիալական ցանցերի զարգացման պայմաններում այդ խոսքի տարածումն էլ ավելի է շատանում և վտանգավոր դառնում։ Բոլորս գիտենք, որ ատելության խոսքը կարող է բերել ատելության հիմքով հանցագործությունների։ Ուսումնասիրում ենք միջազգային փորձը և փորձում գտնել այս խնդրի լուծման լավագույն տարբերակը։ Մինչև տարեվերջ, հուսով եմ, ինչ-որ բանաձև կունենանք, որը հնարավորություն կտա արդյունավետ մեխանիզմներ գտնել ատելության դեմ պայքարում»,- ասաց պատգամավորը։
Մանրամասները՝ տեսանյութում։
Նելլի Մելքոնյան
