17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
ԱԱԾ-ն՝ Էդուարդ Մարտիրոսյանի ազատման դիմում գրելու մասին
Հասարակություն
25.05.2020 | 11:22
Ազգային անվտանգության ծառայության տնօրեն Էդուարդ Մարտիրոսյանն աշխատանքից ազատվելու դիմում չի գրել։ Այս մասին Factor.am-ին տեղեկացրին ԱԱԾ մամուլի կենտրոնից։
Հիշեցնենք՝ քիչ առաջ լրատվամիջոցներից մեկը գրել էր, որ Մարտիրոսյանն Արցախ մեկնելուց առաջ ազատման դիմում է ներկայացրել վարչապետ Նիկոլ Փաշինյանին, որը դեռ չի ստորագրվել։ ԱԱԾ-ից փոխանցեցին, որ այս տեղեկությունները կեղծ են։ Ի դեպ, սա առաջին դեպքը չէ, երբ ԱԱԾ տնօրենի պաշտոնանկության մասին տեղեկություն է շրջանառվում, իսկ կառույցից հերքում են։
Նման տեղեկություններ շրջանառվեցին, երբ ՊՎԾ պետի տեղակալ Արգիշտի Քյարամյանը նշանակվեց ԱԱԾ տնօրենի առաջին տեղակալ։ Նշվում էր նաև, որ մի քանի տասնյակ սպաներ չեն ցանկանում երիտասարդ վերադաս ունենալ և դիմումներ են գրել։ Արդեն տեղեկացրել ենք, որ հենց Քյարամյանի՝ ԱԱԾ տեղափոխվելու օրը՝ մայիսի 5-ին, ԱԱԾ քննչական դեպարտամենտի պետ Արթուր Աղաջանյանն ազատման դիմում է գրել։ Նրա փոխարեն այդ պաշտոնին նշանակվել է Քյարամյանը ընկեր, Շիրակի դատախազի նախկին տեղակալ Արթուր Պողոսյանը։
Նարեկ Կիրակոսյան
