27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Արտյոմ Խաչատրյանը բերման է ենթարկվել Ոստիկանություն
Հասարակություն
23.05.2020 | 21:06
ՀՀ Քաղավիացիայի կոմիտեի նախագահ Տաթևիկ Ռևազյանի ու նրա ընտանիքի հասցեին վիրավորական արտահայտություններով գրառումներ կատարող Արտյոմ Խաչատրյանն այսօր բերման է ենթարկվել Ոստիկանություն։ Տեղեկությունը Factor.am-ի հետ զրույցում հաստատեցին Ոստիկանության լրատվական ծառայությունից:
«Ոստիկանության Արաբկիրի բաժնում նախապատրաստվող նյութերի շրջանակում Արտյոմ Խաչատրյանը բերման է ենթարկվել, տվել է բացատրություն և ազատ է արձակվել»,- Factor.am-ին տեղեկացրեց ՀՀ ոստիկանության ԶԼՄ-ների հետ կապի բաժնի պետ Զարզանդ Գաբրիելյանը:
Հիշեցնենք, որ Տաթևիկ Ռևազյանի վերաբերյալ գրառումը Դատախազությունն ուղարկել է Ոստիկանություն՝ ստուգման և հետագա ընթացքը որոշելու համար։ Նկատենք, որ Խաչատրյանը սոցցանցում մայիսի 19-ն վիրավորական արտահայտություններ էր արել Ռևազյանի վերաբերյալ, ինչն արժանացել էր հանրային պարսավանքի։
Այն ատելության խոսք էր որակել նաև ՀՀ ՄԻՊ Արման Թաթյանը։ Հանրային լայն դատապարտումից հետո էլ Խաչատրյանի սոցցանցի էջը լի է Տաթևիկ Ռևազյանի հասցեին նույնքան վիրավորական արտահայտություններով։
Ռոբերտ Անանյան
