17.09.2026 | 20:33
Ալիևը հայտարարել է՝ «եթե ՄԱԿ-ը նորմալ գործեր, ստիպված չէինք լինի ուժով նվաճել մեր տարածքները»
Դերասան Սարգիս Գրիգորյանը և մյուս բերման ենթարկվածներն ազատ են արձակվել
Հասարակություն
20.05.2020 | 17:29
Այսօր Կառավարության դիմաց բողոքի ակցիայի ժամանակ բերման ենթարկված 4 քաղաքացիներն ազատ են արձակվել։ Այս մասին Factor.am-ի հետ զրույցում տեղեկացրեց ՀՀ Ոստիկանության ԶԼՄ-ների հետ կապի բաժնի պետ Զարզանդ Գաբրիելյանը։
«Արձանագրություն է կազմվել վարչական իրավախախտումների մասին օրենքի 182 հոդվածով, նրանք ազատ են արձակվել»,- հավելեց Գաբրիելյանը։
Նշենք, որ այս հոդվածը վերաբերում է Ոստիկանության զորքերի զինծառայողի կամ Ոստիկանության ծառայողի օրինական պահանջը չկատարելուն։
Հիշեցնենք նաև, որ Կառավարության շենքի դիմաց այսօր բողոքի ակցիայի էին եկել ռեստորանների աշխատակիցները։ Նրանք պահանջում էին, որ պարետն իրենց ևս թույլատրի գործունեություն իրականացնել։ Բողոքի ակցիայի ժամանակ սոցիալական հեռավորություն պահելու՝ Ոստիկանության պահանջներին չենթարկվելու համար չորս անձ բերման է ենթարկվել, այդ թվում՝ դերասան Սարգիս Գրիգորյանը։
Անժելա Պողոսյան
