10.08.2026 | 20:23
Հանրային լսումներ՝ Կապանի մարզադաշտի տարածքի նկատմամբ հանրային գերակա շահ ճանաչելու նախագծի վերաբերյալ
Գողացել են «Արարատ-73»-ի ֆուտբոլիստների արձանախմբից մի քանիսը. ոստիկանությունը նյութեր է նախապատրաստում
Հասարակություն
20.05.2020 | 15:38
«Փյունիկ» ակումբի գրասենյակի ղեկավար Գրիգոր Թադևոսյանը ֆեյսբուքի իր էջում արված գրառմամբ տեղեկացրել է, որ գողացել են «Հրազդան» մարզադաշտի հարևանությամբ տեղադրված «Արարատ-73»-ի ֆուտբոլիստների արձանախմբից մի քանիսը:
«Հորդորում եմ իմ բոլոր ֆուտբոլասեր ընկերներին տարածել այս տեսանյութն և օգնել գտնել լեգենդների գողացված արձանները»,- գրել է նա:
Թադևոսյանը դրանք գողացողներին կոչ է արել հետ վերադարձնել, իսկ արձանները հայտնաբերելու հարցում օժանդակություն ցուցաբերողներին դրամական պարգև է խոստացել: «Արարատ-73»-ի ֆուտբոլիստների արձանները տեղադրվել են 2016 թվականին:
Երևանի քաղաքապետի խոսնակ Հակոբ Կարապետյանը Factor.am-ին հայտնեց, որ արձանները իրենց ենթակայության տակ չեն։ Ոստիկանությունից էլ տեղեկացանք, որ ոստիկանության Մալաթիայի բաժնում դեպքի առթիվ նյութեր են նախապատրաստվում։
Լիլիթ Շաբոյան
