06.07.2026 | 10:48
Ավելի քան 500 ուկրաինական ԱԹՍ-ներ հարձակվել են Ղրիմի ու ՌԴ-ի շրջանների վրա․ Ղրիմում բլեքաութ է
Իրանում կորոնավիրուսի նոր դեպքերի թիվը շարունակում է գերազանցել 2.000-ը. մահվան ցուցանիշը՝ 7.119
Քաղաքականություն
19.05.2020 | 16:28
Իրանում մեկ օրում կորոնավիրուսով վարակի դեպքերի թիվը շարունակում է գերազանցել 2.000-ը: Վարակվածների ընդհանուր թիվը երկրում հասել է 124.603-ի: Այս մասին հայտնել է ԻԻՀ առողջապահության նախարարության հանրային կապերի բաժնի ղեկավար Կիանուշ Ջահանպուրը, գրում է ԻՌՆԱ-ն:
«Մեկ օրում կորոնավիրուսով վարակի 2.111 նոր դեպք է արձանագրվել: Վարակվածների ընդհանուր թիվը, այսպիսով, 124.603 է»,- ասել է նա:
Մեկ օրում Իրանում 62 մահ է արձանագրվել, արդյունքում այս երկրում կորոնավիրուսից մահացածների թիվը հասել է 7.119-ի:
Միաժամանակ, 97.173 մարդ առողջացել և դուրս է գրվել հիվանդանոցներից: Հիվանդներից 2.698-ի վիճակը ծանր է:
