10.09.2026 | 11:35
Թրամփը հայտարարել է, որ Իրանի հետ պատերազմը կավարտվի ԱՄՆ միջանկյալ «ընտրություններից անմիջապես հետո»
Եթե օրենքում լինեն վրիպակներ, միշտ էլ կարելի է փոխել. Լևոն Մկրտչյանը՝ ուսանողների հետ պայմանավորվածության մասին
Հասարակություն
15.11.2017 | 17:48
ՀՀ Կրթության և գիտության նախարար Լևոն Մկրտչյանը համոզված է, որ «Զինվորական ծառայության և զինծառայողի կարգավիճակի մասին» այսօր ընդունված օրինագծի շուրջ բոլոր մտահոգությունները կարելի է կագրավորել ենթաօրենսդրական ակտերով:
«Եթե ունենք մասնագիտություններ, որոնք իսկապես կարիք ունեն մշտական զբաղմունքի, ապա այդ նույնը կարելի է կազմակերպել նաև զորակոչի մեջ, այսինքն՝ մենք ունենք հսկայական համալիր, որտեղ կարող են և գիտությամբ զբաղվել, և այլ օգտակար աշխատանք կատարել պաշտպանության բնագավառում»,- Factor.am-ի հետ զրույցում ասաց ԿԳ նախարարը:
Լևոն Մկրտչյանն ընդգծեց, որ ինքը ևս կներառվի այդ գործընթացում՝ փորձելով քննարկել և լուծում տալ ուսանողներին հուզող հարցերին:
«Օրենքը քարացած հասկացություն չէ, եթե լինեն վրիպակներ, միշտ էլ կարելի է փոփոխել: Բայց ես վստահ եմ, որ այս օրենքի հետ կապված մտահոգությունները կարելի է լուծել ենթաօրենսդրական ակտերով»,- հավելեց նախարարը:
Հիշեցնենք, որ խորհրդարանն այսօր երկրոդ ընթերցմամբ և ամբողջությամբ ընդունեց Պաշտպանության նախարարոիթկամ կողմից ներկայացված զինծառայության մասին աղմկահարույց նախագիծը: Ավելի ուշ՝ ուսանողները հայտարարեցին, որ դադարեցնում են դասադուլն ու հացադուլը և նոյեմբերի 22-ից սկսում են կլոր սեղան ձևաչափով քննարկումներ։
Մանրամասները՝ տեսանյութում:
Շողիկ Գալստյան
