12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Երևան-Արտաշատ մայրուղի. գյուղացիները մնացել են ձախ կողմում, հողատարածքները՝ աջ
Հասարակություն
15.11.2017 | 17:03
Նախկին ոստիկանապետ, նորընտիր պատգամավոր Ալիկ Սարգսյանն ԱԺ-ում երեք հարց ուղղեց ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանին. «Հարցս վերաբերվում է Երևան-Արտաշատ միջպետական ճանապարհի հիմնականում բետոնային հատվածին՝ ե՞րբ եք նախատեսել շահագործման հանձնել այն կամուրջները, որոնց շահագործման ժամկետների մասին հանձնարարական էր տվել նաև վարչապետը: Երկրորդ հարցը՝ ունե՞ք արդյոք ճանապարհային երթևեկության կազմակերպման սխեմա: Եվ վերջինը՝ ունե՞ք արդյոք վիճակագրություն, թե վթարների որ մասն է ճանապարհային երթևեկության կանոնների խախտման հետևանքով առաջացել և ո՞ր մասը ճանապարհային խնդիրների»:
Հարցին ի պատասխան նախարարն ասաց. «Կամուրջները նոյեմբերի 30-ի դրությամբ կհանձնվեն շահագործման: Շինարարական աշխատանքներ կատարելիս քննարկումներ են կատարվում Ճանապարհային ոստիկանության հետ և դրա հիման վրա կատարվում են գծանշումներ, տեղադրվում են նշաններ»:
