Երևանի քաղաքապետարանի ենթակայության տակ գտնվող մանկապարտեզներում ղեկավարության կողմից նույնպես լինելու են ամենօրյա անակնկալ այցեր և ստուգումներ՝ փոխքաղաքապետերի մակարդակով։ Այս մասին փոխքաղաքապետ Տիգրան Վիրաբյանը նշեց այսօր Կառավարությունում տեղի ունեցած ասուլիսի ժամանակ։
«Ես վստահ եմ, որ վարչական շրջանների ղեկավարները նույնպես անակնկալ ստուգումներ են իրականացնելու։ Այն մանկապարտեզներում, որտեղ մենք կտեսնենք անվտանգության կանոնների խախտում, մենք կիրականացնենք համապատասխան գործողություններ։ Այն աշխատակիցները, որոնք չեն ենթարկվում այդ նորմերին և կարծում են, որ այս համավարակը շրջանցելու է իրենց, այդ աշխատակիցներն ուղղակի ազատվելու են մեր համակարգից»,- նշեց Վիրաբյանը։
Մանրամասները՝ տեսանյութում։
