11.01.2025 | 22:52
Վարչապետը առաջնահերթ է համարում խաղաղության գործընթացը, թվայնացումը և կոռուպցիայի դեմ պայքարը. ՏԵՍԱՆՅՈՒԹ
Արայիկ Հարությունյանն ու Սամվել Բաբայանը կրկին հանդիպել են
Քաղաքականություն
16.05.2020 | 19:08
Արցախի նորընտիր նախագահ Արայիկ Հարությունյանն ու «Միասնական հայրենիք» կուսակցության նախագահ Սամվել Բաբայանը կրկին հանդիպել և համագործակցության հարցեր են քննարկել: Այս մասին ֆեյսբուքում գրել է Արայիկ Հարությունյանը:
«Օրեր առաջ «Միասնական հայրենիք» կուսակցության նախագահ Սամվել Բաբայանի հետ հանդիպման ժամանակ քննարկել էինք քաղաքական առաջիկա համագործակցության հնարավորությունները:
Պայմանավորվածության համաձայն՝ այսօր հերթական հանդիպումն ենք ունեցել՝ արդեն ընդլայնված կազմով: Կարևորելով ծրագրային հիմնադրույթների համադրման միջոցով քաղաքական փոխգործակցության օրակարգի մշակումը՝ պայմանավորվել ենք «Միասնական հայրենիք» կուսակցության և «Ազատ հայրենիք – ՔՄԴ» կուսակցությունների դաշինքի ներկայացուցիչներից ձևավորել աշխատանքային խումբ, որը կմշակի երկուստեք ընդունելի և կիրառելի համագործակցության ծրագիր»,- գրել է Արցախի նախագահը:
