29.07.2026 | 10:01
Արտարժույթների փոխարժեքները՝ հուլիսի 29-ի դրությամբ
Ո՞ւր է Մարտի 1-ի գործով քննչական խմբի նախկին ղեկավարը, թող գա, ասի՝ որտեղ են կրակված պարկուճները. վարչապետ. ՏԵՍԱՆՅՈՒԹ
Հասարակություն
16.05.2020 | 15:20
›Իմ կարծիքով՝ շատ մանրամասներով բացահայտված է, թե ինչ է տեղի ունեցել Մարտի 1-ին և դրանից հետո։ Եթե, ըստ առերևույթ մեղադրանքի, գործը քննող քննչական խմբի ղեկավարը կրակված պարկուճները տարածքում փոխել է, դա նշանակում է՝ իրական կրակողների պարկուճները չկան, և մենք հնարավորություն չունենք դրանք նույնականացնել և փորձել զենքերը գտնել»,- այս մասին այսօր առցանց մամուլի ասուլիսի ընթացքում նշեց ՀՀ վարչապետ Նիկոլ Փաշինյանը։
«Եվ հիմա այդ քննչական խմբի ղեկավարը գտնվում է հետախուզման մեջ։ Ինչի՞, թող գա պատմի՝ ի՞նչ է արել այդ պարկուճները։ Գուցե ինքը գիտի սպանության հեղինակների անուն ազգանունները։ Քննությունը պետք է շարունակվի, և մենք պետք է ջանքեր գործադրենք՝ այդ հետախուզվող անձին ձերբակալելու և Հայաստան վերադարձնելու ուղղությամբ։ Դա հեշտ չէ, բայց պետք է գնանք այդ ճանապարհով»,- ասաց Փաշինյանը։
Մանրամասները՝ տեսանյութում։
Նելլի Մելքոնյան
