Հասարակություն
16.05.2020 | 14:29Հայաստանում կան բազմաթիվ չբացահայտված հանցագործություններ, կան, որ բացահայտվում են։ Իրավապահ համակարգի առաջ խնդիր է դրված՝ բոլոր հանցագործությունների բացահայտման համար անել առավելագույնը։ Այս մասին այսօր առցանց մամուլի ասուլիսի ընթացքում նշեց ՀՀ վարչապետ Նիկոլ Փաշինյանը՝ անդրադառնալով Սամվել Ալեքսանյանի աշխատակից Արմեն Իսրայելյանի սպանությանը։
«Ասեմ, որ ՀՀ-ն միակ երկիրը չէ, որտեղ լինում են չբացահայտված հանցագործություններ։ Շատ երկրներում լինում են դեպքեր, երբ հանցագործությունները տարիներ անց են բացահայտվում։ Վերջերս, երբ իրավապահ համակարգի աշխատանքի արդյունավետության և բարեփոխումների մասին էինք խոսում, միտք կար, որ կառույցներում լինի բաժին, որը կզբաղվի նախկինում տեղի ունեցած և չբացահայված հանցագործություններով»,- ասաց Փաշինյանը։
Մանրամասները՝ տեսանյութում։
Նելլի Մելքոնյան
