Ինչո՞ւ են ուզում Հայաստանի օրինական ներկայացուցիչներին բանակցային սեղանի շուրջ կաշկանդել։ Շատ կարևոր նրբություն կա՝ Ղարաբաղի հարցի բանակցային գործընթացի հիմքում կա մի սկզբունք. որևէ բան որոշված չէ, քանի դեռ ամեն ինչ որոշված կամ համաձայնեցված չէ։ Այս մասին այսօր առցանց մամուլի ասուլիսի ընթացքում նշեց ՀՀ վարչապետ Նիկոլ Փաշինյանը:
«Բանակցային սեղանի շուրջ ամենատարբեր մարդիկ են նստած։ Կարող են հնչեցնել ամենատարբեր՝ ամենաընդունելիից մինչև ամենաանընդունելի գաղափարներ։ Եվ ի՞նչ, ուզում են այնպիսի իրավիճակ ստեղծել, այնքան կաշկանդել, որ Հայաստանի ներկայացուցչներն ականջները փակեն, ասեն՝ մենք չենք լսում կամ փախչեն բանակցությունների սեղանից։ Սա ի՞նչ մոտեցում է»,- ասաց Փաշինյանը։
Մանրամասները՝ տեսանյութում։
