12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Կառավարությունը կաջակցի երեխաներ ունեցող ընտանիքի հիփոթեքի վճարմանը․ վարչապետ. ՏԵՍԱՆՅՈՒԹ
Տնտեսություն
16.05.2020 | 12:59
Կառավարությունն ընդունել է երեխա ունեցող ընտանիքների՝ բնակարանային ապահովության 2020-2023թթ. ծրագիրը։ Ծրագրի համաձայն՝ 2 և ավելի երեխա ունեցող ընտանիքներն այս տարվա հուլիսի 1-ից հետո մինչև 30 միլիոն դրամ արժեքով բնակարան ձեռք բերելու պարագայում կստանան միանվագ աջակցություն՝ բնակարանի գնի 5%-ի չափով, բայց ոչ ավելի, քան 1 միլիոն դրամը։ 3-րդ և ամեն հաջորդ երեխայի պարագայում բնակարանի գնի շեմը բարձրանում է 5 միլիոն դրամով, իսկ միանվագ դրամական օգնությունը կարող է հասնել մինչև 2 միլիոն դրամի։ Այս մասին այսօր առցանց մամուլի ասուլիսի ընթացքում նշեց ՀՀ վարչապետ Նիկոլ Փաշինյանը՝ ներկայացնելով Հայաստանի մասին 100 նոր փաստը։
«Առնվազն 1 անչափահաս երեխա ունեցող ընտանիքները կարող են օգտվել հիփոթեքային վարկի կանխավճարի ապահովագրության ծրագրից։ Դրամական աջակցության չափը կազմում է կանխավճարի ապահովագրության 90%-ը, բայց ոչ ավելի, քան 180 հազար դրամը»,- ասաց Փաշինյանը։
Մանրամասները՝ տեսանյութում։
