11.12.2024 | 18:52
«Ասլանյանը Մխիթար Հայրապետյանի դպրոցական ուսուցիչն է եղել»․ ԲՏԱՆ խոսնակը՝ աղմկահարույց նամակագրության մասին
Ի՞նչ է սպասվում Լարսի անցակետում մնացած հայերին․ պատասխանում է Ավինյանը. ՏԵՍԱՆՅՈՒԹ
Հասարակություն
14.05.2020 | 18:19
Չեմ հասկանում՝ ո՞րն է եղել Վերին Լարսում ՀՀ քաղաքացիների հայտնվելու դրդապատճառը: ԱԺ հատուկ նիստում ասաց ՀՀ փոխվարչապետ, պարետ Տիգրան Ավինյանը՝ պատասխանելով Լարսում մնացած Հայաստանի քաղաքացիների ճակատագրի մասին «Բարգավաճ Հայաստան» խմբակցության պատգամավոր Արթուր Դալլաքյանի հարցին:
«Պարզ էր, որ փակ է և՛ Վրաստանի սահմանը, և՛ հայ-վրացական սահմանը: Եվ իրենք փաստացի ունենալու էին այդ խնդիրը: Այսինքն՝ ավտոմեքենաներով գալ այնտեղ և պահանջել, որպեսզի իրենց թույլ տան… Եկեք հասկանանք, թե դա հետո ինչ ծավալների կարող է բերել, քանի քաղաքացի հետո այդ նույն ճանապարհով կարող է փորձել վերադառնալ»,- ասաց Տիգրան Ավինյանը՝ հիշեցնելով, որ վաղվանից Ռուսաստանից Հայաստան կանոնավոր չվերթներ են իրականացվելու՝ ՀՀ քաղաքացիների հայրենիք վերադարձը կազմակերպելու համար:
Հիշեցնենք, որ ՀՀ 15 քաղաքացիներ ռուսական կողմից հատել էին ռուս-վրացական սահմանը և հայտնվել չեզոք գոտում, քանի որ Վրաստան օտարերկրացիների մուտքը դեռևս արգելված է: Այսօր, սակայն, Վրաստանում ՀՀ դեսպանությունը տեղեկացրեց, որ այդ քաղաքացիներն արդեն հեռացել են չեզոք գոտուց և Ռուսաստանի տարածքում են:
Մանրամասները՝ տեսանյութում:
