20.04.2026 | 13:43
Ոչնչացվել է «Nestle» ընկերության «NAN» ապրանքանիշի մանկական սննդի վտանգավոր ճանաչված խմբաքանակը․ ՍԱՏՄ
Երբ իրենց թույլ են տալիս մունաթով, իշխող դիրքերից խոսել ՄԻՊ-ի հետ, հասարակության մեջ նման բառամթերքով մարդկանց դիմելու ամենաթողություն է ձևավորվում․ Զ․Հովհաննիսյան. ՏԵՍԱՆՅՈՒԹ
Հասարակություն
13.05.2020 | 13:20
Իրավապաշտպան Զարուհի Հովհաննիսյանն ակնկալում է երկրում մթնոլորտի փոփոխություն, որտեղ շատ կարևոր է նաև իշխող ուժի կամքը։ Այս մասին այսօր «Անհանդուրժողականության մթնոլորտ. երբ թիրախավորվում են արդեն ընտանիքները» թեմայով քննարկման ժամանակ ասաց իրավապաշտպան Զարուհի Հովհաննիսյանը։
«Այն, ինչ այսօր կատարվում է Ազգային ժողովում, այն լեզվով, որ խոսում են իշխող խմբի պատգամավորը, երբեմն նաև վարչապետը, ես կարծում եմ՝ ամենևին միտված չէ որակի բարձրացմանը և դիսկուրսների ավելի որակյալ դաշտում ծավալմանը»,- նշեց Հովհաննիսյանը։
Իրավապաշտպանի խոսքով՝ իշխանությունը պետք է օրինակ ծառայի հանրության համար:
«Իրենք պետք է այդ տոնայնությունը հաղորդեն հասարակությանը։ Եթե այդ տոնայնությամբ խոսում է, օրինակ, իշխող խմբակցության պատգամավորը մարդու իրավունքների պաշտպանի հետ՝ բարձրացնելով մի հարց, որին երբեք մասնագիտորեն չի անդրադարձել, երբեք չի շոշափել այդ հարցը որևէ կերպով, որ ասեմ՝ նեղ մասնագիտական գիտելիք ունի, վրդովվել է։ Անգամ վրդովվելու պարագայում նմանատիպ տոնով չեն խոսում իրավապաշտպան կառույցի ներկայացուցչի հետ։ Երբ նրանք թույլ են տալիս այդպիսի տոնով, մուննաթով, հաթաթա տալով, իշխող դիրքերից, սովորեցնողի դիրքով խոսել, հասարակության մեջ ևս ձևավորվում է նմանատիպ բառամթերքով մարդկանց դիմելու կամ համացանցը լցնելու ամենաթողություն»,- նշեց իրավապաշտպանը։
Մանրամասները՝ տեսանյութում։
