28.03.2026 | 19:57
Սպասվում են տեղումներ. լեռնային գոտիներում՝ թաց ձյան, նախալեռնային և հովտային գոտիներում՝ անձրևի տեսքով
Պահեք հակահամաճարակային կանոնները, այլապես ստիպված ենք լինելու նորից գնալ սահմանափակումների․Փաշինյան. ՏԵՍԱՆՅՈՒԹ
13.05.2020 | 12:26
Վարչապետ Նիկոլ Փաշինյանն այսօր ֆեյսբուքյան ուղիղ եթերում ուշադրություն հրավիրեց հակահամաճարակային կանոնների պահպանման անհրաժեշտության ուղղությամբ՝ ընդգծելով, որ եթե դրանք չպահպանվեն, հնարավոր է՝ ստիպված լինենք կրկին անցնել սահմանափակումների։
«Մեր մարտավարությունը հետևյալն է, քանի որ կորոնավիրուսը նվազագույնը մի տարի մեր կողքին է լինելու, մենք պետք է սովորենք ապրել զուգահեռ։ Բայց դա չի նշանակում՝ առանց կաշկանդվածության վարակվել, վարակել ուրիշներին և այսպիսի ճգնաժամ ստեղծել։ Եթե այս տեմպերով գնանք, և հիվանդացության նոր դեպքերն այս տեմպով ավելանան, մենք նորից ստիպված ենք լինելու գնալ սահմանափակումների։ Եվ նպատակն այն է լինելու, որ հանկարծ չունենանք այնպիսի իրավիճակ, որ բուժօգնության կարիք ունեցող որևէ քաղաքացի մնա առանց բուժօգնության։ Բայց մենք բոլորս անհատական պատասխանատվությամբ կարող ենք այս իրավիճակից խուսափել։ Ես Ձեզ կոչ եմ անում, խնդրում եմ՝ խստիվ հետևել հակահամաճարակային կանոններին»,- նշեց Փաշինյանը։
Մանրամասները՝ տեսանյութում:
