Հասարակություն
11.05.2020 | 20:00Վերջերս Հայաստանի խորհրդարանը երկրորդ ընթերցմամբ ընդունեց, իսկ նախագահ Արմեն Սարգսյանն այսօր ստորագրեց ապօրինի ծագում ունեցող գույքի բռնագանձման մասին օրենքը։ Վարչապետ Նիկոլ Փաշինյանն ու Արդարադատության նախարար Ռուստամ Բադասյանն ուղիղ եթերում քննարկեցին այս թեման:
«Պետք է հասկանալ և արձանագրել, որ դա չի վերաբերելու ամեն ինչին, ամենուր և բոլորին։ Դա վերաբերելու է պետական բարձրաստիճան պաշտոնյաներին»,- նշեց վարչապետ Նիկոլ Փաշինյանը։
Իսկ նախարարը շահարկում որակեց այն պնդումները, թե Ռուսաստանում արտագնա աշխատանք կատարած սովորական քաղաքացին կարող է հայտնվել այս օրենքի տիրույթում:
«Դա բացառիկ շահարկման ոլորտից էր, և ասում են՝ կարող են այս գործողության ոլորտ ընկնել իրավաբանական անձինք, որոնք գործարք են արել։ Եթե կաշառք տալու, ստանալու, փողերի լվացման հոդվածով մեղադրանք առաջադրվի, և եթե նրան պատկանող գույքը չհիմնավորվի 50 միլիոն և ավելի դրամով, սկսվում է ուսումնասիրություն»,- պարզաբանեց Ռուստամ Բադասյանը։
Մանրամասները՝ տեսանյութում:
