10.08.2026 | 19:24
20 հազարից ավելի խախտում՝ մեկ շաբաթում․ պարեկային ծառայության արդյունքները
«Մանկապիղծ մեծահարուստի դեմ համարձակություն չունեիք բողոքելու․ նա նախկին վարչապետի խորհրդականն էր»․ Գայանե Աբրահամյան. ՏԵՍԱՆՅՈՒԹ
Հասարակություն
11.05.2020 | 17:11
Այսօր Ազգային ժողովում ունեցած ելույթում «Իմ քայլը» խմբակցության պատգամավոր Գայանե Աբրահամյանը, անդրադառնալով սեռական շահագործումից և սեռական բնույթի բռնություններից երեխաների պաշտպանության մասին Եվրոպայի խորհրդի կոնվենցիան վավերացնելուն, նշեց, որ այն հերթական թիրախ է դարձել մանիպուլյացիաների և խեղաթյուրման համար։
«Ավանդական արժեքների պաշտպանության կեղծ արշավներ անող խմբակը, արժեքների մասին միայն հիմա հիշող շահարկողները, լավ կլիներ՝ այդ արշավներն անեին տարիներ առաջ Նուբարաշենի դպրոցում երեխաների համար, որոնց մանկությունը, ողջ ճակատագիրը խաթարվել է։ Անգամ հիմա, երբ նրանց հետ այս միջադեպերի մասին ենք խոսում, երեխայի նման լացում են։ 10-20 տարի անց։ Ո՞ւր էիք, ինչու՞ այդ ժամանակ չէիք ջարդում ԱԺ-ի դռները։ Որոշ շրջանակներ, որոնք այսօր դեմ են կոնվենցիային, որը չեն էլ կարդացել, չեն էլ հասկանում, թե ինչ է այն նախատեսում, լավ կլիներ՝ պաշտպանեին և ակցիաներ անեին տարիներ առաջ Ախթալայում, որտեղ 22 դեպքով եղավ դատարանի վճիռ, բայց մենք չգիտենք, կարող է՝ հարյուրավոր տղաներ բռնաբարվում էին մանկապիղծ Սերոբ Տեր-Պողոսյանի կողմից։ Իհարկե, մանկապիղծ մեծահարուստի դեմ մարդիկ համարձակություն չունեին բողոքելու։ Քանի որ նա ոչ միայն մեծահարուստ էր, այլև ձեր սիրելի նախկին վարչապետի խորհրդականն էր»,- նշեց պատգամավորը։
Մանրամասները՝ տեսանյութում։
