18.11.2024 | 08:23
ԲԴԽ նախագահ Կարեն Անդրեասյանը պաշտոնից ազատման դիմում է ներկայացրել
Հանրային պաշտպանի ծառայություններից օգտվողների շրջանակն ընդլայնող նախագիծն ԱԺ-ում ընդունվեց առաջին ընթերցմամբ
Հասարակություն
11.05.2020 | 14:29
ՀՀ ազգային ժողովն առաջին ընթերցմամբ ընդունեց նոր օրենքի նախագիծը, որով առաջարկվում է, հնարավորություն տալ զինվորական ծառայության հետ պատճառական կապով զոհված (մահացած) զինծառայողի ընտանիքի անդամներին օգտվել հանրային պաշտպանի գրասենյակի անվճար ծառայություններից:
«Փաստաբանության մասին» օրենքում փոփոխություն կատարելու մասին օրենքի նախագիծն ԱԺ նիստում ստացավ 86 կողմ, 2 դեմ, 4 «ձեռնպահ» ձայներ:
Նախագծի հեղինակներն են «Բարգավաճ Հայաստան» խմբակցության պատգամավորներ Նաիրա Զոհրաբյանը, Շաքե Իսայանը։
Նշենք, որ մինչ այս Փաստաբանության մասին գործող օրենքով սահմանված է, որ Հայաստանը երաշխավորում է անվճար իրավաբանական օգնություն՝ մասնավորապես ՀՀ-ի սահմանների պաշտպանության ժամանակ զոհված, մահացած զինծառայողների ընտանիքներին: Զոհրաբյանը նախագիծը ներկայացնելիս հիշեցրել էր, որ հանրային պաշտպանի ինստիտուտից օգտվում են 16 կատեգորիաներ:
