20.01.2026 | 13:39
«Արևմտյան Ադրբեջան» խոսույթն օգտակար չէ խաղաղության գործընթացի համար. Խանդանյան․ ՏԵՍԱՆՅՈՒԹ
Ցավում եմ, եթե առանձին մարդիկ կարողանում են ձեր դիրքորոշման վրա ազդել․ Մակունցը՝ ԲՀԿ-ին. ՏԵՍԱՆՅՈՒԹ
Քաղաքականություն
11.05.2020 | 11:38
Այսօր Ազգային ժողովի նիստում «Իմ քայլը» խմբակցության ղեկավար Լիլիթ Մակունցը հիշեցրեց, որ գլխադասային հանձնաժողովում «Սեռական շահագործումից և սեռական բնույթի բռնություններից երեխաների պաշտպանության մասին» Եվրոպայի խորհրդի կամ, ինչպես հայտնի է, Լանզարոտեի կոնվենցիային բոլորը կողմ են քվեարկել, այդ թվում՝ «Բարգավաճ Հայաստան» խմբակցությունը։
«Գևորգ Պետրոսյանի խոսքերից այնպիսի տպավորություն էր, որ «Բարգավաճ Հայաստան» խմբակցությունն ի սկզբանե դեմ է եղել, ուզում եմ հիշեցնել քվեարկությունը, որը հանձնաժողովի նիստում տեղի է ունեցել, և բոլոր խմբակցությունները, այդ թվում՝ ընդդիմադիր, նաև «Բարգավաճ Հայաստան» խմբակցությունը կողմ է քվեարկել։ Եվ, հետևաբար, ցավում եմ, եթե առանձին մարդիկ կարողանում են առավոտյան ձեր դիրքորոշման վրա ազդել և փոխել, բայց այս կոնվենցիան բխում է երեխաների շահերից, սա մանկապղծության դեմ կոնվենցիա է, որը կանխելու է մանկապղծությունը ՀՀ-ում։ Հետևաբար, «Իմ քայլը» խմբակցությունը կողմ է քվեարկելու այս համաձայնագրին»,- նշեց Մակունցը՝ արձագանքելով «Բարգավաճ Հայաստան» խմբակցության պատգամավոր Գևորգ Պետրոսյանի ելույթին, ըստ որի՝ խմբակցությունը կոնվենցիայում մտահոգիչ դրույթներ է տեսնում։
Մանրամասները՝ տեսանյութում։
