Քաղաքականություն
11.05.2020 | 11:10Այսօր Ազգային ժողովը վավերացրեց «Սեռական շահագործումից և սեռական բնույթի բռնություններից երեխաների պաշտպանության մասին» Եվրոպայի խորհրդի կամ, ինչպես հայտնի է, Լանզարոտեի կոնվենցիան։
«Բարավաճ Հայաստան» խմբակցության պատգամավոր Գևորգ Պետրոսյանը վարման կարգով ունեցած ելույթում նշեց, որ կոնվենցիայում կան մտահոգիչ դրույթներ:
«Մենք որևէ մեկին նպատակ չունենալով մեղադրել որևէ բանի մեջ՝ հաստատում ենք մեր մտահոգությունը, որ կոնվենցիան պարունակում է դրույքներ, որոնք ողջամտորեն սպառնալիքի տակ են դնում երեխաների դաստիարակության շահերը։ Եվ հենց նոր ԱԺ մուտք գործելուց առաջ Դեմիրճյան փողոցի մուտքի առջև քաղաքացիական ակցիա էր, երեկ էլ ստացել եմ Հայ առաքելական եկեղեցու կողմից բազմաթիվ ահազանգեր: Դրանք բոլորը իմի բերելով՝ բոլորը դեմ են արտահայտվում այս կոնվենցիային։ Կան այնտեղ դրույթներ, որոնք հույս են տալիս, որ Հայաստանում փորձ է արվում մարդու իրավունքների պաշտպանությունը ավելի համակողմանի իրականացնել, բայց այս կոնվենցիան չի բխում երեխաների իրավունքների պաշտպանության իրական շահերից, երեխայի լավագույն շահից»,- նշեց Պետրոսյանը։
Մանրամասները՝ տեսանյութում։
