12.10.2026 | 23:18
Գազամատակարարման դադարեցումներ՝ Հայաստանի մի շարք հասցեներում
Իրանը պատրաստ է ԱՄՆ-ի հետ բանտարկյալների փոխանակման՝ առանց նախապայմանների
Քաղաքականություն
10.05.2020 | 21:36
Իրանի իշխանությունները պատրաստ են ԱՄՆ-ի հետ բանակցություններ վարել ՝ առանց նախապայմանների բանտարկյալների փոխանակման հարցով: Այս մասին հայտարարել է Իրանի կառավարության պաշտոնական ներկայացուցիչ Ալի Ռաբիին, տեղեկացնում է ՏԱՍՍ-ը։
«Մենք հայտարարել ենք, որ առանց նախապայմանների պատրաստ ենք փոխանակել բոլոր բանտարկյալներին և բանակցություններ վարել Միացյալ Նահանգների հետ այս հարցով»,- նրա խոսքերն է մեջբերում է Khabar Online-ը:
Ռաբիին, միաժամանակ, հավելել է, որ «մինչ այժմ ամերիկացիները պատասխան չեն տվել այս խնդրի վերաբերյալ»:
Ավելի վաղ Reuters- ը հաղորդել էր, որ Միացյալ Նահանգները շուտով կարող է կալանավորված իրանցի գիտնական Սիրուս Ասգարիին արտաքսել երկրից՝ նրան փոխանակելով Իրանում ձերբակալված ԱՄՆ քաղաքացիներից մեկի համար: Նշվում է, որ Իրանի քաղաքացին վարակվել է կորոնավիրուսով և ներկայումս ստանում է բժշկական օգնություն:
Մարտի 27-ին Իրանի ԱԳ նախարար Մոհամմադ Ջավադ Զարիֆը Միացյալ Նահանգներին կոչ էր արել ազատ արձակել ձերբակալված իրանցի գիտնականներին: Ըստ նրա՝ նույնիսկ այն բանից հետո, երբ ամերիկյան դատարանները հանեցին անհեթեթ մեղադրանքները, Միացյալ Նահանգները նրանց ժամանակավորապես ազատ չի արձակում՝ հաշվի առնելով կորոնավիրուսը:
