Քաղաքականություն
14.11.2017 | 18:06
ՌԴ ԱԳՆ ղեկավար Սերգեյ Լավրովը հայտարարել է, որ հաջորդ շաբաթվա սկզբին պատրաստվում է այցելել Հայաստան և Ադրբեջան. փոխանցում է tass.ru-ն:
«Հաջորդ շաբաթվա հենց սկզբին նախատեսվում են իմ այցերը Երևան և Բաքու: Նախևառաջ այդ այցերը պայմանավորված են Հայաստանի ու Ադրբեջանի հետ ՌԴ-ի դիվանագիտական հարաբերությունների հաստատման 25-ամյակով», – ասել է Սերգեյ Լավրովը:
«Օրակարգն ընդգրկելու է երկկողմ հարաբերություններին վերաբերող հարցեր՝ այդ երկրներից յուրաքանչյուրի հետ, դրանք հագեցած են և հարուստ: Խոսելու ենք միջազգային ու տարածաշրջանային խնդիրների մասին, այդ թվում` կփորձենք հասկանալ, թե Հայաստանի ու Ադրբեջանի նախագահների վերջին հանդիպումից հետո Ղարաբաղյան հակամարտության կարգավորման ջանքերի որ փուլում ենք», – ասել է Ս. Լավրովը:
