07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Մեծ Բրիտանիայի վարչապետը Կրեմլին մեղադրել է ընտրություններին միջամտելու և կիբերլրտեսություն իրականացնելու մեջ
Քաղաքականություն
14.11.2017 | 13:48
Մեծ Բրիտանիայի վարչապետ Թերեզա Մեյը Մոսկվային մեղադրել է «ընտրություններին միջամտելու և կիբերլրտեսություն» իրականացնելու մեջ: Նշվում է, որ ՌԴ-ին ուղղված այս քննադատությունը Մեյի պաշտոնավարման օրվանից ի վեր ամենամեծ քննադատությունն է. BBC-ին հղում անելով՝ հաղորդում է news.mail.ru-ն:
Բրիտանական կառավարության ղեկավարը հայտարարել է, որ Մոսկվան կեղծ լուրեր է տարածում` «Արևմուտքում անհամաձայնություն սերմանելու համար»: Ըստ Մեյի՝ թեև Լոնդոնը «հավերժական առճակատման» չի ձգտում Ռուսաստանի հետ, սակայն Բրիտանիան մտադիր է պաշտպանել իր շահերը:
«Ռուսաստանը բազմիցս եվրոպական մի շարք երկրներում խախտել է ազգային օդային տարածքը և նպատակադրված կիբերլրտեսական արշավ ու պառակտում է իրականացրել», – ասել է Մեյը:
«Այն իր մեջ ներառել է և՛ ընտրություններին միջամտությունը, և՛ Դանիայի պաշտպանության նախարարության ու բունդեսթագի վրա հաքերային հարձակումները», – պնդել է Մեյը:
«Մենք ձեռնարկում ենք անհրաժեշտ միջոցներ` հակազդելու ռուսական գործողություններին», – ասել է նա:
«Սակայն սա Ռուսաստանի հետ այն հարաբերությունը չէ, որին մենք ձգտում ենք», – ավելացրել է բրիտանացի վարչապետը: «Մենք չենք ցանկանում վերադառնալ Սառը պատերազմին կամ մշտապես առճակատման մեջ գտնվել»,- եզրափակել է բրիտանացի պաշտոնյան:
