10.09.2026 | 13:18
Ջերմաստիճանը կբարձրանա․ բարձր կարգի հրդեհավտանգ իրավիճակ է սպասվում
Պուտին-Էրդողան հանդիպումը 4 ժամ է տևել. քննարկվե՞լ է արդյոք ԼՂ հակամարտության հարցը
Քաղաքականություն
14.11.2017 | 11:16
Նոյեմբերի 13-ին Սոչի քաղաքում կայացել է Ռուսաստանի և Թուրքիայի նախագահների հանդիպումը։ Ըստ թուրքական «Ahaber» լրատվական կայքի՝ հանդիպումից հետո Վլադիմիր Պուտինը և Ռեջեփ Թայիփ Էրդողանը մամուլի ասուլիս են տվել. փոխանցում է EH-ն:
Թուրքիայի նախագահը նշել է, որ Պուտինի հետ ձեռք է բերվել համաձայնություն ռուս-թուրքական հարաբերությունները խորացնելու վերաբերյալ։ Նրա խոսքով՝ հանդիպման ժամանակ քննարկվել է Ռուսաստանի կողմից Թուրքիայի քաղաքացիներին վիզաների տրամադրման հեշտացման հարցը, ինչպես նաև Ռուսաստան ներկրվող թուրքական մի շարք ապրանքների սահմանափակումների վերացման հարցը:
Էրդողանը նշել է, որ կողմերը իրենց առջև պետք է նպատակ դնեն երկկողմ առրտրաշրջանառությունը հասցնել 100 մլրդ դոլարի։
Կողմերը հանդիպման ժամանակ քննարկել են նաև «Թուրքական հոսք» գազամուղի շինարարության և Թուրքիայում Ռուսաստանի կողմից կառուցվող «Աքքույու» ատոմային էլեկտրակայանի շահագործման հարցերը։ Նախատեսվում է, որ էլեկտրակայանի առաջին բլոկը շահագործման կհանձնվի 2023թ-ին․։
Թուրքական «Sonhaberler» լրատվամիջոցը նշում է, որ Պուտինի և Էրդողանի միջև կայացած հանդիպումը տևել է 4 ժամ ։
Հիշեցնենք, որ Էրդողանը, Ռուսաստան մեկնելուց առաջ հայտնել էր, որ Պուտինի հետ քննարկելու է նաև Ղարաբաղյան հակամարտության հարցը։
