01.07.2026 | 22:57
ԱԺ պատգամավորի երդման տեքստը կփոփոխվի․ օրենքի նախագիծը դրական եզրակացություն է ստացել
3 մլրդ դրամ՝ տներ կառուցելուն. Ավինյանն ասում է՝ պետությունն աղետի գոտում իր պարտավորությունն ավարտեց. ՏԵՍԱՆՅՈՒԹ
Տնտեսություն
07.05.2020 | 12:20
Կառավարության այսօրվա նիստում որոշում կայացվեց 3 մլրդ դրամ հատկացնել աղետի գոտում՝ Լոռու, Շիրակի և Արագածոտնի մարզերում 229 ընտանիքների համար բնակելի տներ կառուցելու համար: Հարցը ներկայացրեց ՀՀ Կառավարությանն առընթեր քաղաքաշինության պետական կոմիտեի նախագահի տեղակալ Արմեն Ղուլարյանը։
Նրա խոսքով՝ դեռևս 2018-ի բյուջեով հատկացված 460 մլն դրամի հաշվին լուծվել են Լոռու մարզի գյուղական բնակավայրերի 44 ընտանիքի բնակարանային խնդիրները՝ բնակարանների կառուցման տարբերակով: Հատկացված միջոցներից կային նաև տնտեսումներ, և լրացուցիչ 7 ընտանիքի բնակարանային խնդիր լուծման ընթացքում է:
«2019-ի բյուջեից հատկացված 560 մլն դրամի հաշվին նույնպես այդ մեխանիզմով 61 ընտանիքի բնակարանային խնդիր լուծվել և լուծման ընթացքում է: 2019-ի ավարտի տվյալներով՝ դեռևս լուծման կարիք ունի 460 ընտանիքի բնակարանային խնդիր: Հանձնարարվեց Կառավարության կողմից, մենք իրականացրեցինք հարցումներ և պարզվեց, որ 227 ընտանիք նախընտրում է ԲԳՎ-ի (բնակարանի գնման վկայական) տարբերակը, և Կառավարության պահուստային ֆոնդից այդ նպատակով հատկացվեց 1.29 մլրդ դրամ: Աշխատանքները մեկնարկեցին, այս տարի կավարտվեն: Այս նախագծով կարգավորվում է մնացած 229 ընտանիքի բնակարանային խնդիրը, որոնցից 13-ը նույնպես նախընտրում է ԲԳՎ: Մնացած 216-ի համար նախատեսվում է կառուցել բնակելի տներ: Նախագծով նախատեսված շուրջ 3 մլրդ դրամը կբաշխվի հետևյալ կերպ. 1.868 մլրդ դրամը կհատկացվի Լոռու մարզի 162 ընտանիքի համար, որից 153-ը՝ բնակելի տան շինարարություն, իսկ 9-ը՝ ԲԳՎ: 988 մլն դրամ էլ կհատկացվի Շիրակի մարզի 59 ընտանիքի համար, որից 55-ը՝ բնակելի տուն կառուցելու և 4՝ ԲԳՎ-ի: Իսկ 144.3 մլն դրամը կհատկացվի Արագածոտնի մարզի 8 ընտանիքների համար բնակելի տուն կառուցելուն»,- ընդգծեց Ղուլարյանը:
Նա հավելեց, որ ԲԳՎ-ով բնակարան ձեռք բերելու վերջնաժամկետ է սահմանվել այս տարվա դեկտեմբերի 20-ը, իսկ բնակելի տների շինարարության մասով՝ մինչև 2021 թվականի ավարտը:
Մանրամասները՝ տեսանյութում:
