21.05.2026 | 14:30
Իսրայելցի նախարարը նվաստացրել է պաղեստինամետ ակտիվիստներին. մի շարք երկրներ դատապարտել և կանչել են Իսրայելի դեսպաններին
Պատկերացրեք՝ հանձնուքներով գան, մտնեն ՔԿՀ, վարակի տարածման ինչ ցուցանիշներ կունենանք․ Բադասյան. ՏԵՍԱՆՅՈՒԹ
Հասարակություն
07.05.2020 | 12:18
ԱԺ այսօրվա նիստում «Բարգավաճ Հայաստան» խմբակցության պատգամավոր Նաիրա Զոհրաբյանը կրկին հիշեցրեց ՔԿՀ-ներում հանձնուքների արգելման մասին ու հարց ուղղեց արդարադատության նախարար Ռուստամ Բադասյանին. «Եթե իրենք, միևնույն է, կարողանում են քարտով հենց դիմացի խանութից գնել միրգ և քաղցրավենիք, ինչո՞ւ թույլ չտալ նրանց, ովքեր քարտ չունեն, գոնե հանձնուքներում դա ներառել»։
Նախարարը նշեց, որ հանձնուքների արգելքը կապված է կորոնավիրուսի տարածման կանխարգելման հետ:
«Դիմացի խանութի հարցը չի, այլ այն, որ համապատասխան հայտ է լրացվում, և այդ հայտի հիման վրա հնարավոր է լինում ձեռք բերված ապրանքները մեկ օր պահել, բոլոր ախտահանման աշխատանքները կատարել, նոր հանձնել դատապարտյալին»,- նշեց նախարարը։
Նախարարի խոսքով՝ մեծ ջանքերի շնորհիվ է, որ ՔԿՀ-ներում դատապարտյալների շրջանում մինչ այժմ կորոնավիրուսի որևէ դեպք չի գրանցվել։ «Պատկերացրեք, եթե ազգակցականները գան, հանձնուքների հետ միասին մտնեն ՔԿՀ, հնարավոր շփում լինի ՔԿՀ ծառայողների հետ, վարակի տարածման ինչ ցուցանիշներ կարող ենք ունենալ»,- նշեց նախարարը։
Մանրամասները՝ տեսանյութում։
