26.09.2026 | 20:38
Քաղաքացին ընկել է ջրհորը. նա հոսպիտալացվել է
Վստահ եմ, որ Նիկոլ Փաշինյանը Միքայել Մինասյանին գործարքի առաջարկ չէր անի. Հովիկ Աղազարյան. ՏԵՍԱՆՅՈՒԹ
Քաղաքականություն
06.05.2020 | 19:30
Միքայել Մինասյանին ու շատերին թվում է, թե կորոնավիրուսով պայմանավորված՝ իշխանության վարկանիշը կիջնի։ Factor.am-ի հետ զրույցում նման տեսակետ հայտնեց իշխող ուժի պատգամավոր Հովիկ Աղազարյանը՝ խոսելով Սերժ Սարգսյանի փեսայի վերջին 2 տեսաուղերձների մասին, որոնցում նա քննադատում է իշխանությանը և հատկապես՝ վարչապետին։
Աղազարյանի խոսքով՝ Միքայել Մինասյանը և ուրիշները սխալ հաշվարկ են անում՝ մտածելով, թե մոտ ապագայում իշխանությունը կկորցնի ժողովրդի վստահությունը։
Ինչ վերաբերում է Մինասյանի այն պնդմանը, թե հեղափոխությունից կարճ ժամանակ անց Նիկոլ Փաշինյանն ԱԱԾ նախկին տնօրենի միջոցով իրեն գործարք է առաջարկել, այն է՝ սիմվոլիկ գումար վճարել ու փակված կլինեն իրեն առնչվող բոլոր քրեական գործերը, պատգամավորն ասաց. «Վստահ եմ, որ Նիկոլ Փաշինյանը գործարքի առաջարկ չէր անի Մինասյանին»։
Աղազարյանը հավելեց, որ այսպիսով Միքայել Մինասյանը նախահարձակ է լինում, որպեսզի մեղադրանքներն իր վրայից հանի։
Մանրամասները՝ տեսանյութում:
Մերի Մարտիրոսյան
