30.08.2026 | 14:22
Իսլանդիայի բնակիչները դեմ են քվեարկել Եվրամիության հետ մերձեցմանը
Կարևոր չէ՝ Մոսկվայից ինչ են ասում Կոստանյանը կամ Միհրան Պողոսյանը, կարևոր է՝ ինչ է անում Հայաստանը. Նորիյան. ՏԵՍԱՆՅՈՒԹ
Հասարակություն
06.05.2020 | 14:25
Անկախ անձանց ով լինելուց և անկախ նրանց առաջադրված մեղադրանքների էությունից ու բովանդակությունից՝ Հայաստանի արժանապատվության խնդիրն է՝ ձեռնարկել ողջամիտ քայլեր՝ իր կողմից իրականացվող քրեական հետապնդման ենթարկվող անձանց արտահանձնման ապահովելու համար։ Այս մասին այսօր «Ինչու՞ են կարևոր մեղադրյալները լքում Հայաստանը կամ հետախուզվում» թեմայով քննարկմանը նշեց փաստաբան Նորայր Նորիկյանը։
«Անկախ նրանից, թե մեղադրյալի կամ նրա պաշտպանության կողմի խորագույն համոզմամբ՝ առաջադրված մեղադրանքն անհիմն է կամ իր մեջ քաղաքական բաղադրիչ է պարունակում, քանի դեռ գոյություն ունի քրեական վարույթը և դրա ընթացքում նրանք հետախուզվում են և քրեական հետապնդման ենթարկվում, ինձ համար շատ կարևոր չէ, թե ինչ է Մոսկվայից ասում Գևորգ Կոստանյանը, ՔԿ նախագահի նախկին տեղակալը, ԱԺ նախկին պատգամավոր Արթուր Գևորգյանը, ԴԱՀԿ նախկին պետ Միհրան Պողոսյանը, պաշտպանության նախկին նախարար Միքայել Հարությունյանը կամ Գուրգեն Խաչատրյանը։ Ինձ համար շատ ավելի կարևոր է, թե ինչ է անում ինքնիշխան Հայաստանի Հանրապետությունը»,- ասաց փաստաբանը։
Մանրամասները՝ տեսանյութում։
