01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
ՍԴ-ն հակասահմանադրական է ճանաչել Վանաձորի ավագանու բոլոր որոշումները. ՀՎԿ-ն վերածվելու է բացահայտ իշխանական ուժի. «Ժամանակ»
14.11.2017 | 08:37
«Ժամանակ» օրաթերթը գրում է.
«ՍԴ նախագահ Գագիկ Հարությունյանի ղեկավարած ՍԴ-ն հակասահմանադրական ճանաչելով Վանաձորի ավագանու բոլոր որոշումները՝ միևնույն ժամանակ, դրանց վերացման ժամկետ էր սահմանել մինչև հաջորդ տարվա մարտ ամիսը: 20 տարի շարունակ Հայաստանի ամենատարբեր իշխանությունների պատվերը կատարած և բոլոր ապօրինի ու կեղծված ընտրությունները Սահմանադրությանը համապատասխանող ճանաչած ՍԴ նախագահ Գագիկ Հարությունյանը այս որոշմամբ փորձում է ցույց տալ, թե որքան համարձակ և արդարադատ է ինքը, և դրանով իր համար հանրային վարկանիշ ստեղծել:
Ըստ տեղեկությունների՝ ՍԴ այս որոշումը իշխանությունը կազմակերպել է Գագիկ Հարությունյանի գեղեցիկ հեռացումն ապահովելու համար, ում 70-ամյակը լրանում է 2018թ․մարտի 23-ին: Մեր տեղեկություններով՝ ՍԴ նախագահի պաշտոնում Գագիկ Հարությունյանին փոխարինելու է «Ազգային վերածնունդ» կուսակցության նախագահ Արթուր Բաղդասարյանը: Այս նշանակումից հետո ՀՎԿ-ն դադարելու է լինել կեղծ ընդդիմադիր և վերածվելու է բացահայտ իշխանական ուժի»:
Մանրամասները՝ թերթի այսօրվա համարում:
