20.05.2026 | 17:07
Անչելոտին նշել է ԱԱ-2026-ի ֆավորիտներին
Փաստաբաններին վիրավորելն ու զրպարտելը քրեականացնող նախագիծը չընդգրկվեց ԱԺ օրակարգում. ՏԵՍԱՆՅՈՒԹ
Քաղաքականություն
05.05.2020 | 11:15
ԱԺ այսօրվա նիստում «Լուսավոր Հայաստան» խմբակցության պատգամավոր Անի Սամսոնյանը ներկայացրեց ՀՀ քրեական օրենսգրքում փոփոխություններ և լրացումներ կատարելու մասին օրենքի նախագիծը:
Օրինագծով առաջարկվում է քրեական պատասխանատվություն նախատեսել փաստաբանի գործունեությանը ցանկացած ձևով միջամտելու, այդ թվում փաստաբանին՝ կապված նրա մասնագիտական գործունեության կամ լիազորությունների իրականացման հետ, սպառնալու կամ նրան վիրավորանք հասցնելու, նրա նկատմամբ բացահայտ անհարգալից վերաբերմունք ցուցաբերելու համար:
Մարդու իրավունքների պաշտպանության և հանրային հարցերի հանձնաժողովի անդամ Շաքե Իսայանն իր ելույթում նշեց, որ հանձնաժողովում այն հավանության չէր արժանացել, սակայն քանի որ Սամսոնյանը համաձայնեց լրամշակել, «Բարգավաճ Հայաստան»-ը կողմ կքվեարկի նախագծին լիագումար նիստերի օրակարգում ընդգրկելու համար։
Նախագիծը քվեարկությամբ ստացավ 37 «կողմ», 74 «դեմ» և 1 «ձեռնպահ» ձայն: Այն չընդգրկվեց օրակարգում։
Մանրամասները՝ տեսանյութում:
