24.04.2026 | 23:32
Կապանում ջրանջատում կլինի
Ինչպե՞ս տեղափոխել ու հուղարկավորել կորոնավիրուսից մահացած անձին. Արցախի պարետի նոր որոշումը
04.05.2020 | 15:03
Արցախի պարետը նոր որոշում է ստորագրել, որը վերաբերում է կորոնավիրուսից մահացած անձի տեղափոխմանն ու հուղարկավորությանը:
Որոշման մեջ ասվում է.
«Ղեկավարվելով Արցախի նախագահի ապրիլի 12-ի «Արցախի Հանրապետությունում արտակարգ իրավիճակ հայտարարելու մասին» հրամանագրի 2-րդ, 6-րդ եւ 7-րդ կետերի՝ որոշում եմ՝
Սահմանել արտակարգ իրավիճակի ժամանակահատվածում կորոնավիրուսային հիվանդության հաստատված ախտորոշմամբ անձանց մահվան դեպքում դիակների տեղափոխման եւ հուղարկավորության կանոնները:
Արցախի Առողջապահության նախարարին, տարածքային կառավարման եւ տեղական ինքնակառավարման մարմինների ղեկավարներին՝ ապահովել սուն որոշման պահանջների կատարման նկատմամբ ամբողջական վերահսկողություն:
Սույն որոշումն ուժի մեջ է մտնում հրապարակման պահից:
Այս որոշման կանոններում մանրամասն նկարագրվում են բոլոր այն պահանջները, որը պետք է պահպանել դիակը փակելիս:
Նշվում է, որ մահվան մասին բժշկական վկայականը հանգուցյալի հարազատին տրամադրելուց հետո դիակը հարազատին է հանձնվում փակ դագաղով: Դիակի ժամանակավոր պահման վայրը, նաեւ դիակը տեղափոխող մեքենան ամբողջովին ախտահանվում են: Դագաղը բացելն արգելվում է:
