26.09.2026 | 20:38
Քաղաքացին ընկել է ջրհորը. նա հոսպիտալացվել է
Բաթումիում ու Քութաիսիում սահմանափակումները կվերացվեն. Թբիլիսին փակ կլինի առնվազն մինչև շաբաթվա վերջ
Քաղաքականություն
04.05.2020 | 14:15
Վաղվանից Բաթումիում և Քութաիսիում կվերանան բոլոր տեսակի տեղաշարժման սահմանափակումները: Այս մասին հայտարարել է Վրաստանի վարչապետ Գիորգի Գախարիան, հաղորդում է վրացական Առաջին ալիքը:
«Ինչպես գիտեք՝ մի քանի շաբաթ առաջ մենք ստիպված էինք միջոցներ ձեռնարկել՝ փակելու որոշ խոշոր քաղաքներ: Վաղվանից այնպիսի քաղաքներում, ինչպիսիք են Բաթումին և Քութաիսին, կվերանան բոլոր տեսակի տեղաշարժման սահմանափակումները: Որոշ սահմանափակումներ Թբիլիսիում և Ռուսթավիում կլինեն ուժի մեջ: Սա ուղղակիորեն կապված է հարևան շրջաններում համաճարակաբանական իրավիճակի հետ»,- ասել է Գախարիան:
Նա նշել է, որ առաջիկայում, ելնելով համաճարակաբանական իրավիճակից, համապատասխան որոշումներ կկայացվեն նաև Թբիլիսիի և Ռուսթավիի հետ կապված:
«Կարծում եմ՝ կարելի է հուսալ, որ մինչև շաբաթվա վերջ Թբիլիսիի և Ռուսթավիի բացման հարցին կտրվի դրական լուծում»,- հավելել է Վրաստանի վարչապետը:
Միաժամանակ, կառավարության ղեկավարի տեղեկացմամբ, որոշվել է մայիսի 5-ից վերացնել շինարարական ոլորտի հետ կապված սահմանափակումները, կթույլատրվի նաև ավտովերանորոգման ծառայությունների գործունեությունը:
