01.03.2026 | 21:22
Թրամփը պնդում է, որ Իրանի իշխանությունները ԱՄՆ-ի հետ բանակցությունները վերսկսելու հարցում են ներկայացրել, և ինքը համաձայնել է
«Երեխաները էս բառերը շուտվանից են լսել»․ Գևորգ Պետրոսյանը դիտողություն ստացավ բառապաշարի համար. ՏԵՍԱՆՅՈՒԹ
Հասարակություն
04.05.2020 | 12:07
ԱԺ պետաիրավական հարցերի մշտական հանձնաժողովում քննարկվում է Հայաստանի Հանրապետության քաղաքացիական դատավարության օրենսգրքում լրացում կատարելու մասին օրինագիծը, որի հեղինակներն են «Բարգավաճ Հայաստան» խմբակցության պատգամավորներ Գևորգ Պետրոսյանը, Շաքե Իսայանը, Ջանիբեկ Հայրապետյանը, Արայիկ Աղաբաբյանը։
Նախագծով առաջարկվում է անձի պատվի և արժանապատվության հասցված վնասի փոխհատուցման վերաբերյալ գործերի քննության ժամկետը հստակեցնել և նվազեցնել։ «Վիրավորում են իրար՝ «թափթփուկ», «տականք» կամ, որ հիմա ավելի մոդայիկ է, «շնաբարո դուրսպրծուկներ», իսկ դատական գործերը ձգձգվում են»,- իր խոսքում նշեց Պետրոսյանը։
Նիստը նախագահող Վլադիմիր Վարդանյանը դիտողություն արեց Գևորգ Պետրոսյանին՝ հորդորելով զերծ մնալ ԱԺ նիստերում նման ձևակերպումներից: «Ի վերջո՝ մենք նորմաստեղծ գործունեություն ենք իրականացնում, նորմը վարքագծի կանոն է։ Եթե մենք ԱԺ-ում օգտագործում ենք այնպիսի բառեր, նույնիսկ համեմատության համար, որոնք վիրավորանք կարող են լինել կամ հաճելի չեն, ես, օրինակ, չէի ուզենա, որ երեխաները լսեին այս բառերը»,- նշեց Վարդանյանը։
Գևորգ Պետրոսյանն արձագանքեց. «Երեխաներն էդ բառերը շուտվանից են լսել»։
Մանրամասները՝ տեսանյութում։
