26.09.2026 | 20:38
Քաղաքացին ընկել է ջրհորը. նա հոսպիտալացվել է
Կորոնավիրուսի 16 հազարից ավելի դեպք ունեցող Բելառուսում մայիսի 9-ի շքերթը չի չեղարկվի
Քաղաքականություն
03.05.2020 | 21:42
Բելառուսի նախագահ Ալեքսանդր Լուկաշենկոն հայտարարել է, որ երկրում կորոնավիրուսի տարածման պատճառով մայիսի 9-ի՝ Հաղթանակի 75-ամյակի շքերթը չի չեղարկվի։ Այս մասին հայտնում է Deutsche Welle-ի ռուսական ծառայությունը։
Աղբյուրի փոխանցմամբ՝ Լուկաշենկոն ասել է, թե վիրուսաբանների կարծիքով՝ երթն ամենավտանգավոր միջոցառումը չէ։
«Պետք է ասեմ, որ մենք չենք կարող չեղարկել երթը։ Պարզապես չենք կարող։ Ես այդ մասին երկար եմ մտածել»,- ասել է Լուկաշենկոն։
Բելառուսի նախագահը խոստացել է ոչ ոքի ստիպողաբար չտանել միջոցառմանը՝ նշելով, որ հազարավոր մարդիկ ցանկանում են, որ այն մայիսի 9-ին կայանա։ Նա նաև պատրաստակամություն է հայտնել երթի ժամանակ Մինսկում ընդունել ռուսական պատվիրականությանը։
Լուկաշենկոն հայտարարել է, որ Բելառուսում հաջողվում է զսպել կորոնավիրուսը։
Նշենք, որ Բելառուսի Առողջապահության նախարարության տվյալներով՝ երկրում կորոնավիրուսով վարակման դեպքերի ընդհանուր թիվը 16.705 է, իսկ մահվան դեպքերինը՝ 99։
Հավելենք նաև, որ Ռուսաստանում մայիսի 9-ի երթը, կորոնավիրուսային համաճարակով պայմանավորված, հետաձգվել է։ ՌԴ նախագահ Վլադիմիր Պուտինը հայտարարել է, որ այն կկանայա ավելի ուշ, երբ կորոնավիրուսի հետ կապված իրադրությունը երկրում կբարելավվի։
Նելլի Մելքոնյան
