26.09.2026 | 20:38
Քաղաքացին ընկել է ջրհորը. նա հոսպիտալացվել է
Ուկրաինացի գործարարները պահանջում են դադարեցնել կարանտինը և վերսկսել աշխատանքը
Քաղաքականություն
03.05.2020 | 21:25
Ուկրաինայի մայրաքաղաք Կիևի կենտրոնում փոքր ու միջին բիզնեսի ներկայացուցիչներն այսօր բողոքի ակցիա են իրականացրել ՝ պահանջելով թուլացնել կորոնավիրուսային համավարակով պայմանավորված կարանտինային սահմանափակումները և հնարավորություն տալ վերսկսել աշխատանքը՝ հետևելով անվտանգության կանոններին ու սանիտարական պահանջներին։ Այս մասին հայտնում է Deutsche Welle-ի ռուսական ծառայությունը։
Կիևի կենտրոնական հրապարակում բողոքի ակցիա կազմակերպած ակտիվիստները շարժվել են դեպի Ուկրաինայի նախագահ Վլադիմիր Զելենսկու գրասենյակ։
Աղբյուրի փոխնացմամբ՝ բողոքի ակցիային ընդհանուր թվով մոտ հարյուր քաղաքացի է մասնակցել։ Նրանց պահանջներից մեկը եղել է կարանտինի երկարաձգման դեպքում ձեռներեցներին ֆինանսական օգնություն ցուցաբերելը։
Նշվում է, որ նմանատիպ բողոքի ակցիա Կիևում տեղի է ունեցել նաև ապրիլի 29-ին, այս անգամ՝ կառավարության շենքի դիմաց։ Մի քանի տասնյակ ակտիվիստներ պահանջել են կարանտինը դադարեցնել մայիսի 1-ին, այլ ոչ 11-ին՝ ինչպես նախատեսված է։
Հավելենք, որ Ուկրաինայում, վերջին տվյալներով, կորոնավիրուսի հաստատված դեպքերի ընդհանուր թիվը 11.913 է, իսկ մահացությունների թիվը՝ 288։
Նելլի Մելքոնյան
