02.04.2026 | 14:45
Դավիթ Ղազինյանի և Արամ Օրբելյանի ասուլիսը ՀԷՑ-ի շուրջ իրավական գործընթացների վերաբերյալ. ՈՒՂԻՂ
Ռուսաստանը կորոնավիրուսի նոր դեպքերով գերազանցել է ԱՄՆ-ին, Իսպանիային ու Իտալիային
Քաղաքականություն
03.05.2020 | 21:12
Ռուսաստանում վերջին 24 ժամում կորոնավիրուսով վարակման ռեկորդային՝ 10 հազարից ավելի նոր դեպք է արձանագրվել։ Երկրում կորոնավիրուսի հաստատված դեպքերի ընդհանուր թիվը հասել է 134.687-ի։ Այս մասին հայտնում է BBC-ի ռուսական ծառայությունը։
Աղբյուրի փոխանցմամբ՝ Ռուսաստանում մեկ օրում կորոնավիրուսից մահացել է 58 մարդ։ Մահացությունների ընդհանուր թիվը հասել է 1280-ի։ Նշվում է, որ նոր դեպքերից 5.948-ը գրանցվել է Մոսկվայում։
Worldometers կայքի տվյալների համաձայն՝ Ռուսաստանը մեկ օրում գրանցված նոր դեպքերով գերազանցել է աշխարհում կորոնավիրուսի ամենաշատ վարակակիրներն ունեցող ԱՄՆ-ին, Իսպանիային, Իտալիային, Մեծ Բրիտանիային, Ֆրանսիային ու Գերմանիային։
Հավելենք, որ աշխարհում կորոնավիրուսի հաստաստված դեպքերի ընդհանուր թիվը հասել է 3.515.144-ի, իսկ մահացությունների թիվը՝ 245.606-ի։ Աշխարհում կորոնավիրուսից ապաքինվել է 1.133.915 մարդ։
Նելլի Մելքոնյան
