02.07.2026 | 06:06
ԱԱ-2026. ԱՄՆ-ի հավաքականը շարժվում է առաջ. ՏԵՍԱՆՅՈՒԹ
Հուսանք՝ չենք հասնի այդ փուլին. քննարկվում է ասիմպտոմ դեպքերին տուն ուղարկելու տարբերակը. ՏԵՍԱՆՅՈՒԹ
03.05.2020 | 18:02
Վարչապետ Նիկոլ Փաշինյանի գլխավորությամբ այսօր տեղի ունեցավ հատուկ քննարկում, որին մասնակցում էին ՀՀ պարետ, փոխվարչապետ Տիգրան Ավինյանը և առողջապահության նախարար Արսեն Թորոսյանը։
Փաշինյանն ասաց, որ կորոնավիրուսով վարակվածների շրջանում ասիմպտոմ դեպքեր շատ կան, և գուցե այնպես ստացվի, որ այդ անձանց ուղարկեն տուն՝ ապաքինման հետագա ընթացքը տնային պայմաններում անցնելու։
Վարչապետն ասաց՝ այդ հարցը քննարկել են ավելի վաղ։ Բայց այդ դեպքում, անշուշտ, տվյալ անձինք պետք է խստորեն հետևեն կանոններին. դիմակ կրեն, առանձին սենյակում մնան, առանձին սպասքից օգտվեն, սենյակը և ամբողջ տունը հաճախակի օդափոխեն։
Պարետ Տիգրան Ավինյանն էլ ավելացրեց, որ մինչև այդ մեկ այլ խումբ կա՝ կոնտակտավորները, որոնց ավելի շուտ տուն ուղարկելու հարց կա։ «Հուսանք՝ չենք հասնի այդ փուլին»,- շեշտեց Ավինյանը։
Մանրամասները՝ տեսանյութում:
Մերի Մարտիրոսյան
