10.08.2026 | 13:22
Բերման են ենթարկվել մի խումբ անձինք՝ իրենց մեքենաներով հանդերձ. նրանց մոտ հայտնաբերվել են զենքեր
Աշխարհի մեծաթիվ երեխաների սպառնում են կարմրուկ ու պոլիոմելիտ հիվանդությունները
Հասարակություն
03.05.2020 | 15:58
ՄԱԿ-ի մանկական հիմնադրամը`ՅՈՒՆԻՍԵՖ-ը, նախազգուշացնում է, որ կովիդ-19 հիվանդության պատճառով ուժի մեջ մտած երթևեկության սահմանափակումների արդյունքում նոր զարգացող տանյակ երկրներ չեն ստանում երեխաների համար նախատեսված պատվաստանյութեր: Կազմակերպությունն անցյալ տարի գնել էր պատվաստանյութերի 2 միլիարդ 500 միլիոն չափաբաժին, ինչը բավականացնում է 100 երկրներում 5 տարեկանից ցածր տարիք ունեցող երեխաների 45 տոկոսին: Սակայն պատվաստանյութերն այժմ մնացել են պահեստներում, երբ տասնյակ երկրներ ունեն դրանց հրատապ կարիքը: Հատկապես մեծ վտանգի տակ են Սահարայի անապատից հարավ գտնվող աֆրիկյան 26 երկրներ:
Ինչպես ՅՈՒՆԻՍԵՖ-ի մամլո խոսնակն է ասել, փոխադրամիջոցների գների չափազանց մեծ աճն էլ իր հերթին է բարդացնում խնդիրը: Նրա խոսքերով, բեռնափոխադրումների գներն աճել են 100-ից 200 տոկոսով:
Այսպիսի պայմաններում սահմանափակ հնարավորություններ ունեցող երկրներում երեխաները դառնում են խոցելի այնպիսի հիվանդությունների առջեւ, ինչպիսիք են կարմրուկն ու պոլիոմելիտը: Իսկ պոլիոմելիտն այն հիվանդություններից է, որի դեպքում երեխաները հաշմանդամ են մնում ողջ կյանքում, կամ` զոհ գնում հիվանդությանը:
