16.06.2026 | 18:49
Հնդկաստանում Telegram-ը մեկ շաբաթով արգելափակել են
Հարցը շատն ու քիչը չէ. Սամվել Բաբայանի փաստաբան Ավետիս Քալաշյանը գտնում է, որ նրան պետք է արդարացնեն
Հասարակություն
13.11.2017 | 13:40
Քիչ առաջ Սամվել Բաբայանի և մյուսների գործով դատական նիստի ժամանակ դատախազը մեղադրական ճառ ասաց և պահանջեց ԼՂՀ նախկին պաշտպանության նախարար Սամվել Բաբայանին դատապարտել 7 տարվա ազատազրկման։ Մյուսների՝ Սանասար Գաբրիելյանի, Արմեն Պողոսյանի, Կարեն Քոչարյանի և Դավիթ Հարությունյանի համար նա 2-ից 4 տարի պահանջեց։
Factor.am-ի հարցին, թե արդյոք շատ չէ 7 տարին, Սամվել Բաբայանի շահերը ներկայացնող փաստաբան Ավետիս Քալաշյանը պատասխանեց․ «Խնդիրը շատն ու քիչը չի, այլ այն, որ նրան մեղադրանք առաջադրելու հիմքեր չկան, մեղադրանքում ներկայացվածն էլ բավարար չէ անձին մեղադրելու համար։ Բոլորի համար էլ զարմանալի է, թե ինչու այդքան խիստ։ Մենք պատժաչափի խստությամբ կամ մեղմությամբ չենք առաջնորդվելու, այլ գտնում ենք, որ մեղադրանքները հիմնավորված չեն, նա պետք է արդարացվի»։
Հարցին, թե արդյոք պաշտպանական կողմը քաղաքական ենթատեքստ է տեսնում, փաստաբանը հայտնեց, որ դա կորոշի Սամվել Բաբայանը․ «Ես դեռ չեմ խոսել նրա հետ»։
