06.07.2026 | 17:18
Սերժ Սարգսյանից հօգուտ պետության կբռնագանձվի շուրջ 630 մլն դրամի գույք և դրամական միջոցներ․ Դատախազություն
Կորոնավիրուսի 50 նոր դեպք և 1 մահ Ադրբեջանում. կարանտինային ռեժիմը երկարաձգվել է մինչև մայիսի 31-ը
Քաղաքականություն
01.05.2020 | 18:52
Ադրբեջանում COVID-19 կորոնավիրուսով վարակի 50 նոր դեպք է արձանագրվել, ևս 1 մահ է գրանցվել: «Ինտերֆաքս»-ի փոխանցմամբ՝ այս մասին հայտնել է կառավարության մամուլի ծառայության ղեկավար Իբրահիմ Մամեդովը:
«Այսօր Ադրբեջանում ևս 50 վարակակիր է արձանագրվել, 1 մարդ մահացել է: Միաժամանակ, 40 մարդ առողջացել է»,- ասել է նա:
Այսպիսով, ընդհանուր առմամբ, Ադրբեջանում կորոնավիրուսով վարակվածների թիվը 1.854 է, 1.365 մարդ առողջացել է, 25 մահ է արձանագրվել:
Հատուկ ռեժիմի հիվանդանոցներում ներկայում 464 հիվանդ կա, նրանցից 15-ի վիճակը ծանր է, 29-ինը՝ միջին ծանրության, մնացյալներինը՝ կայուն:
Միաժամանակ, Ադրբեջանի կառավարությանն առընթեր օպերատիվ շտաբը հայտնել է, որ որոշում է ընդունվել երկրում սահմանված հատուկ կարանտինային ռեժիմը երկարաձգել մինչև մայիսի 31-ը: Ավելի վաղ սահմանված որոշ սահմանափակումներ, սակայն, աստիճանաբար կմեղմացվեն:
«Եթե վարակի դինամիկան և իրադրությունը երկրում վատթարանան, հատուկ կարանտինային ռեժիմը, անհրաժեշտության դեպքում, կրկին կարող է խստացվել»,- նշել են օպերատիվ շտաբում:
