20.01.2026 | 11:26
ԱԺ-ն առաջին ընթերցմամբ ընդունեց 27-37 տարեկան չծառայածներին քրեական պատասխանատվությունից ազատելու նախագիծը
Հրապարակվել է ՀՀ ՏՄՊՊՀ 2019 թ. հաշվետվությունը
30.04.2020 | 22:29
ՀՀ տնտեսական մրցակցության պաշտպանության պետական հանձնաժողովը հրապարակել է 2019 թվականի գործունեության հաշվետվությունը, որում ամփոփված են հաշվետու տարում հանձնաժողովի կողմից իրականացված աշխատանքների հիմնական արդյունքները:
Մասնավորապես՝ այն ներառում է համապարփակ տեղեկատվություն բարձր կենտրոնացվածություն ունեցող 5 ապրանքային շուկաներում («կարագ», «շաքարավազ», «բենզին» և «դիզելային վառելիք», «կոնյակի շրջանառություն», «սեղմված գազ») ՏՄՊՊՀ-ի կողմից իրականացված ուսումնասիրությունների մասին, ինչպես նաև հակամրցակցային համաձայնությունների կնքման, գերիշխող դիրքի չարաշահումների, անբարեխիղճ մրցակցության, համակենտրոնացման թույլտվությունների տրամադրման վերաբերյալ և այլ վարչական վարույթների վիճակագրությունը, այդ թվում՝ համեմատություն նախորդ տարիների ցուցանիշների հետ, ինչպես նաև առավել ուշագրավ վարույթների համառոտ նկարագրությունը: Առանձին հավելվածի միջոցով կարող եք ծանոթանալ նաև 2019 թվականին Հանձնաժողովի կողմից քննված բոլոր 117 վարչական վարույթներին, ինչպես նաև դրանց առնչվող հանձնաժողովի որոշումներին:
Հաշվետվության մեջ ներկայացված են նաև հանձնաժողովի վերաբերյալ ընդհանուր տեղեկություններ՝ կազմը, կառուցվածքը, ֆինանսատնտեսական գործունեությունը, վերլուծություն տնտեսական միջավայրի վրա մրցակցության ազդեցության մասին: Առանձին բաժիններով ներակայացված են նաև միջազգային համագործակցությանը, հանրային իրազեկմանն առնչվող և օրենսդրական աշխատանքները և այլն:
Հաշվետվությանն ամբողջությամբ կարող եք ծանոթանալ ՀՀ ՏՄՊՊՀ պաշտոնական կայքում՝ https://bit.ly/2YirYN9 :
