10.08.2026 | 15:28
Արթուր Ղարիբյան. «Ինչը կարող է ավելի լավ լինել, քան «Զենիթին» հաղթելը»
Մայիսի 3-ին Երևան-Սոչի չվերթ կիրականացվի. ՌԴ դեսպանատուն
Հասարակություն
30.04.2020 | 19:53
Մայիսի 3-ին Երևան-Սոչի չվերթ կիրականացվի՝ ՌԴ քաղաքացիներին Հայաստանից փոխադրելու նպատակով: Այս մասին տեղեկացրել է ՀՀ-ում ՌԴ դեսպանատունը:
Նշվում է, որ չվերթից կարող են օգտվել ՌԴ այն քաղաքացիները, որոնք բնակվում են Ռոստովի մարզում, Կրասնոդարի, Ստավրոպոլի երկրամասում, Կարաչաևո-Չերկեսիայում և Ադիգեայում:
Չվերթից օգտվելու համար հարկավոր է նախապես գրանցվել, տեղերը սահմանափակ են:
«Եթե ռուսական ավիաընկերության չվերթի տոմս ունեք և չեք վերադարձրել, ապա թռիչքից առաջ հարկավոր է դիմել «Ուրալյան ավիաուղիներ» ավիաընկերությանը»,- նշվում է հաղորդագրությունում: Թռիչքն անվճար կլինի միայն ավիաընկերությունների միջև տոմսերի փոխանակման համաձայնության դեպքում, մնացյալ դեպքերում թռիչքը վճարովի է:
