17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Չար եմ և լավ հիշողություն ունեմ․ հիշաչար չեմ․ Վլադիմիր Վարդանյանը՝ Տարոն Սիմոնյանին. ՏԵՍԱՆՅՈՒԹ
Տեսանյութեր
30.04.2020 | 15:39
ԱԺ պետաիրավական հարցերի մշտական հանձնաժողովի այսօրվա նիստում քննարկվում է «Կառավարության կառուցվածքի և գործունեության մասին» Հայաստանի Հանրապետության օրենքում փոփոխություն կատարելու մասին և կից ներկայացված նախագծերի փաթեթը։
«Պետաիրավական փորձաքննությունների բաժինը բավականին տեխնիկական թերություններ է հայտնաբերել, շտկվե՞լ են դրանք»,- հարց ուղղեց «Լուսավոր Հայաստան» խմբակցության պատգամավոր Տարոն Սիմոնյանը։
Նախագիծը ներկայացնող ՀՀ էկոնոմիկայի նախարարի տեղակալ Նաիրա Մարգարյանը նշեց, որ առաջարկներից միայն մեկը չի ընդունվել։ «Կարևորը մյուս առաջարկները ընդունել եք»,- ասաց Սիմոնյանը։
Հանձնաժողովի նախագահ Վլադիմիր Վարդանյանն արձագանքեց. «Մենք էլ երեկ, եթե հիշում եք, մնացածներն ընդունեցինք, բայց դա ոչ մի ազդեցություն չունեցավ, բայց լավ, սա առանձին խնդիր է»։
«Հետո էլ ասում եք՝ մենք ենք սադրում»,- պատասխանեց Տարոն Սիմոնյանը։
«Ես չեմ սադրում, ես ուզում եմ անընդհատ հիշողությունը թարմ պահեմ, պարո՛ն Սիմոնյան»,- կրկին արձագանքեց Վարդանյանը։
«Ինձ ճանաչողները գիտեն, որ իմ հիշողությունն ակտիվ է»,- պատասխանեց Սիմոնյանը, ինչին ի պատասխան՝ Վլադիմիր Վարդանյանը կատակեց. «Ես հիշաչար չեմ, պարզապես չար եմ և լավ հիշողություն ունեմ: Գիտեմ, պարո՛ն Սիմոնյան»։
Մանրամասները՝ տեսանյութում։
