09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Թենիսում կիրառվում է կյանքի լեզուն․ լեգենդար Անդրե Աղասին նշում է 50-ամյակը
29.04.2020 | 22:48
Հայկական արմատներ ունեցող ամերիկացի նախկին թենիսիստ, Մեծ սաղավարտի մրցաշարերի 8-ակի չեմպիոն, աշխարհի նախկին առաջին ռակետ Անդրե Աղասին այսօր նշում է ծննդյան 50-ամյակը. գրում է armsport-ը:
Աղասիի հայրը իրանահայ էր։ Նրա նախնիները կրել են Աղասյան ազգանունը, որը փոփոխվել է Աղասիի այն բանից հետո, երբ նրանք Միացյալ Նահանգներ են տեղափոխվել։ Հայ-իրանական, ասորական ու ֆրանսիական ծագում ունեցող Աղասին լավագույն խաղացողներից մեկն է, ով ռակետ է պահել իր ձեռքերում։
Նրա հայրը՝ Էմանուելը ընկերացել ու աշխատել է Քըրք Քըրքորյանի հետ։ Այդտեղից է գալիս Աղասիի՝ Անդրե Քըրք Աղասի անվանումը։
Աղասին Բաց Էրայում առաջին թենիսիստն էր, ով 4 անգամ հաղթեց Ավստրալիայի բաց առաջնությունը։ Այդ ցուցանիշը հետագայում գերազանցեցին Նովակ Ջոկովիչը (2015) և Ռոջեր Ֆեդերերը (2017):
