20.01.2026 | 13:19
Ռուսաստանի նավթավերամշակման գործարաններ մղվող նավթի ծավալը նվազել է՝ հասնելով 15 տարվա ամենացածր մակարդակին
ԱԺ-ն ամբողջությամբ ընդունեց աշխատանքային օրենսգրքի փոփոխությունների նախագիծը. ՏԵՍԱՆՅՈՒԹ
Քաղաքականություն
29.04.2020 | 15:29
ԱԺ արտահերթ նիստում այսօր երկրորդ ընթերցմամբ և ամբողջությամբ ընդունվեց ՀՀ աշխատանքային և վարչական իրավախախտումների մասին օրենսգրքերում փոփոխությունների նախագիծը, որով, ըստ աշխատանքի և սոցիալական հարցերի փոխնախարարի, զգալիորեն կհեշտանան գործատու-աշխատող իրավահարաբերությունները:
Օրինագծին կողմ քվեարկեց 117, դեմ՝ 0, ձեռնպահ՝ 2 պատգամավոր։ Աշխատանքի և սոցիալական հարցերի փոխնախարար Արման Ուդումյանը, նախորդ նիստում ներկայացնելով նախագիծը, ընդգծեց, որ փոփոխությունները բխում են կորոնավիրուսի տարածմամբ պայմանավորված իրավիճակից։ Նախագծով սահմանվել է հեռավար աշխատանքի հնարավորությունը, կարգը։
Այսպիսով՝ հեռավար աշխատանքի դեպքում աշխատավարձը կվճարվի ամբողջությամբ: Աշխատանքի հեռավար կազմակերպման դեպքում պայմանագրի փոփոխություն տեղի չի ունենա: Անհաղթահարելի ուժով պայմանավորված աշխատանքի կասեցման դեպքում՝ գործատուն իրավունք ունի չվճարել աշխատողին, իսկ ֆորսմաժորային իրավիճակում միայն աշխատողի պահանջով գործատուն կարող է նրան տրամադրել չօգտագործված արձակուրդային օրերը։
Սահմանվում է նաև, որ գործատուն իրավունք չունի լուծել աշխատանքային պայմանագիրը այն աշխատողների հետ, ովքեր արտակարգ իրավիճակով պայմանավորված՝ չեն ներկայացել աշխատանքի կամ ներկայացել են ավելի ուշ:
Մանրամասները՝ տեսանյութում:
