17.10.2026 | 19:25
Հռոմի պապ Լևոն XIV-ը լքել է հիվանդանոցը՝ թոքի ուռուցքի հեռացման վիրահատությունից հետո
ԱԺ-ն ընդունեց 2020 թ․-ի պետական բյուջեի մասին օրենքում փոփոխությունների նախագիծը. ՏԵՍԱՆՅՈՒԹ
Քաղաքականություն
29.04.2020 | 15:02
ԱԺ-ն ընդունեց 2020 թվականի պետական բյուջեի մասին օրենքում փոփոխություն եւ լրացումներ կատարելու մասին Կառավարության ներկայացրած նախագիծը։
Նախագծին կողմ քվեարկեց 101, դեմ՝ 17, ձեռնպահ՝ 0 պատգամավոր։
Նախագիծը ներկայացնելիս Ֆինանսների նախարար Ատոմ Ջանջուղազյանը նշեց, որ Հայաստանը 2020 թվականին կունենա 2 տոկոս տնտեսական անկում՝ ըստ կանխատեսման, մինչդեռ նախատեսված էր 4,9 տոկոսի աճ:
«Համավարակի հետևանքով և՛ պահանջարկի, և՛ առաջարկի շոկեր են լինելու։ Կառավարությունն առաջարկում է պարտք ներգրավել։ Լրացուցիչ ֆինանսական միջոցների ներգրավման գնահատականը մոտ 260 մլրդ դրամ է»,- մասնավորապես նշեց Ջանջուղազյանը։ ։
Ստեղծված իրավիճակում Կառավարությունը խնայողություն չի անելու, ծախսերը հիմնականում պահպանելու է, բայց ակնկալվող եկամուտները չեն ստացվելու, ինչի հետևանքով պակասուրդը կաճի:
Օրենքով թույլատրվում է միայն մինչև 3 տոկոսանոց պակասուրդ, սակայն Կառավարության առաջարկով պակասուրդի թույլատրելի ցուցանիշը կդառնա համախառն ներքին արդյունքի 5 տոկոսը:
Ջանջուղազյանըընդգծեց, որ խոսքը միայն այս տարվա մասին է և կա պակասորդի համար նշված առավելագույն շեմ, որից այն չի կարող անցնել։
