20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Հայաստանը 3 օրով Վրաստանի քաղաքացիների համար կբացի ցամաքային սահմանը
Քաղաքականություն
29.04.2020 | 15:49
Վրացական կողմի խնդրանքով՝ Հայաստանը երեք օրով ցամաքային միջանցք կբացի Վրաստանի քաղաքացիների համար, որոնք ցանկանում են Եվրոպայի երկրներից հայրենիք վերադառնալ: Այս մասին գրում է «Sputnik Georgia»-ն:
Երկրի ԱԳՆ-ի տեղեկացմամբ՝ մասնավորապես, մայիսի 1-ին, 8-ին և 15-ին Վրաստանի քաղաքացիները հնարավորություն կունենան «Բելավիա» ավիաընկերության չվերթով Եվրոպայի երկրներից Մինսկով Երևան ժամանել: Երևանից էլ, ԱԳՆ-ի տրամադրած ավտոբուսներով, Վրաստան կփոխադրվեն:
Նշվում է, որ Վրաստան հասնելուց հետո քաղաքացիները պետք է բժշկական հետազոտություն անցնեն, այնուհետև 14-օրյա կարանտինում լինեն:
Ավելի վաղ վրացական կողմն ու «Բելավիա» ավիաընկերությունը համաձայնագիր էին կնքել, որով նախատեսվում է մայիսի 3-ին, 10-ին և 17-ին Մինսկի օդանավակայանից ուղիղ չվերթներ իրականացնել դեպի Թբիլիսի:
Կորոնավիրուսի համաճարակով պայմանավորված՝ Վրաստանը փակել է սահմաններն օտարերկրացիների համար՝ բացառությամբ հատուկ դեպքերի: Մարտի 21-ից երկրում արտակարգ դրության ռեժիմ է հայտարարված:
